सिन्डिकेट गर्न पाउनुपर्छ भन्दै, यातायात व्यवसायीले आजबाट लामोदुरिका यातायात बन्द।

सिन्डिकेट गर्न पाउनुपर्छ भन्दै, यातायात व्यवसायीले आजबाट लामोदुरिका यातायात बन्द। 

काठमाडौं  

       सिन्डिकेट जोगाउनुपर्ने पक्षका यातायात व्यवसायीले आजबाट लामो दुरीका बस सन्चालनमा रोक लगाएका छन् । नेपाल यातायात व्यवसायी राष्ट्रिय महासंघले घोषणा गरेको आन्दोलनअनुरुप लामो दूरीका बस राेक लगाइएकाे बताइएकाे छ।

महासंघले भोलि सांकेतिक रुपमा देशभर सबै सार्वजनिक यातायात सेवा ठप्प पार्ने कार्यक्रम घोषणा गरेको छ । महासंघका एक सदस्यकाअनुसार मध्यान्हभन्दा पछि छुट्ने सवारी भोलि सडकमै भेटिने भएकाले आजैबाट गाडी रोकिएको हो ।

‘आज ढिला छुट्ने बस राति नै गन्तब्यमा पुग्दैनन् । त्यसो हुँदा भोलिको बन्द प्रभावकारी हुँदैन । त्यसैले आज मध्यान्हपछि समितिहरुका बस छुट्दैनन्,’ उनले भने,’नाइट बसहरु चल्दैनन् ।’

काठमाडौं नयाँबसपार्कको व्यवस्थापन गरिरहेको लोत्से बहुउद्देश्यीय प्रालिको भनाई अनुसार आज विहान १ सय २० वटा बस विभिन्न लामो गन्तब्यका लागि छुटेका छन् । लोत्सेका व्यवस्थापक पंकज मल्लले केही मितिहरुले काउन्टर बन्द गरेको र केही बन्द गर्ने तयारीमा रहेको लागेको जानकारी दिएका छन् ।

उनले आफूहरुले समितिहरुलाई सेवा सुचारु राख्न अनुरोध गरिरहेको जानकारी दिए । ‘बस एकातिर छ । ड्राइभर एकातर्फ छन् । काउन्टर बन्द भएका छन् ।

न्यज २४ नेपाल