डा. गोबिन्द केसीलाइ सर्वोच्चका न्यायाधीश डम्बरबहादुर शाहीको आदेशमा अनसन स्थल बाटै गिरफ्तारी गरियो।(भिडियो हेर्नुस)

डा. गोबिन्द केसीलाइ सर्वोच्चका न्यायाधीश डम्बरबहादुर शाहीको आदेशमा अनसन स्थल बाटै गिरफ्तारी गरियो। भिडियो हेर्नुस  

२४ पुस,काठमाडौं, 

    डा. गोविन्द केसीलाई प्रहरीले सोमबार राति त्रिवि शिक्षण अस्पतालस्थित अनसनस्थलबाटै गिरफ्तार गरेको छ । सर्वोच्च अदालतको पक्राऊ आदेशको केही घण्टा पनि बित्न नपाउँदै डा. केसी गिरफ्तारीमा परेका हुन् ।

डा. केसीको गिरफ्तारीको विरोध र समर्थन दुबैतिर जनमत बाँडिएको अनुभूति सामाजिक सञ्जालमा स्पष्ट देख्न सकिन्छ ।

अदालतको मानहानी गरेको आरोपमा डा. केसीलाई पक्राउ गरिएको हो । डा. केसीले सोमबार नै पत्रकार सम्मेलन गरेर सर्वोच्च अदालतका प्रधानन्यायाधीशको विरोध गरेका थिए । उनीहरु भ्रष्ट भएको डा. केसीले आरोप लगाउँदै अदालतको निर्णयविरुद्ध अनसन बस्ने घोषणा गरेका थिए ।

डा. केसीले प्रधानन्यायाधीशको विरोध गर्दै पत्रकार सम्मेलन गरेको केहीबेरमै सर्वोच्च अदालतका एक कर्मचारीले उनीविरुद्ध मानहानीको निवेदन दर्ता गरे । लगत्तै न्यायाधीश डम्बरबहादुर शाहीले डा. केसीलाई पक्राउ गरी मंगलबार बिहान ९ बजे सर्वोच्च अदालतमा हाजिर गराउन प्रहरीलाई आदेश दिए । त्यसको केही घण्टामै डा. केसीलाई पक्राउ गरी राति ८ बजेपछि सिंहदरबारस्थित प्रहरी वृत्तमा लगियो । अब रातभरि डा. केसीलाई त्यहीँ राखिनेछ ।

सर्वोच्च अदालतले डा. केसीमाथि लगाएका आरोपहरुमा ‘अदालतबाट भएका फैसलाविरुद्ध आम जनमानसमा भ्रम पर्ने गरी नेपालको न्यया व्यवस्था, न्यायपालिका र न्यायाधीशहरुका विरुद्ध अमर्यादित, अशिष्ट र अदालतको अवहेलनाजनक अभिव्यक्ति उल्लेख गरेको’ भनिएको छ ।

Source :onlinekhabar

भिडियो हेर्नुहोस।